ลูกเฮงซวยนี่ก็คือลูกที่บ่ดี มีครอบครัอยู่ครอบครัวหนึ่งมีลูกตวยกันอยู่สามคน คนที่หนึ่งเก่งในด้านการเรียน คนที่สองเก่งในด้านกีฬา คนที่สามเป็นคนสุดท้องพอดี สามคนพี่น้องเป็นป้อจายหมด
ลูกคนสุดท้องนี้รู้สึกว่าคบเพื่อเกเร ร้ายในเรื่องยาเสพติด การพนันสำมะเลเทเมา เยียะหื้อพ่อแม่ทุกข์อกทุกข์ใจเพราะอยู่บ้านนอกก็เลยส่งหื้อเข้าไปเรียนหนังสือในเมือง เรียนได้จ้าดหลายปี อ้ายคนเก๊าก็จบมาได้การได้งานจ้าดดี คนที่สองก็ได้การได้งานจ้าดดี ส่วนคนที่สามปรากฏว่าออกมาเตะฝุ่น จาใดถึงเตะฝุ่น ก็เพราะความประพฤติบ่ดี หนสุดท้ายก็ฆ่าตัวตาย เรื่องคนสุดท้องนี้ก็เป็นจะอี้ ตอนเข้าเรียนคบเพื่อนคบฝูง โก้หรูใหญ่โตถึงขั้นคบกันกับลูกผู้ว่าฯ ลูกปลัด ลูกนายอำเภอ บ่รู้ว่ากำพืดของตัวเองเป็นจาใด พ่อแม่ตากแดดหน้าดำอยู่กลางโต้งกลางนา เกี่ยวข้าวเอาไปขายหื้อเจ๊กในกาดเอาเงินส่งหื้อลูกเรียน ที่ไหนได้ลูกกลับไปติดยาเสพติด พอพ่อแม่รู้ก็ดึงตัวกลับมารักษา พอรักษาหายปุ๊บก็ตกงาน มาอยู่บ้านก็ฆ่าตัวตาย บ่รู้ว่าพ่อแม่จะเสียใจมอกใด ฆ่าตัวตายเสร็จ พ่อแม่ซ้ำโดนคนอื่นประณามว่าหื้อแหม
อันนี้เป็นตัวอย่างที่บ่ดี เยียะหื้อเปิ้นได้ตั้งชื่อหื้อว่า ลูกเฮงซวย