จ๊อกละมันเป็นได้ยินแฟนลูกสาวพญา มันจะปลอมตัวเป็นแฟน จะเอาลูกสาวพญาไปเป็นเมียของมัน ขับแม่มันห่อข้าวหื้อ
“แม่ๆ ห่อข้าวหื้อกำ” แม่มันก็ห่อหื้อ แล้วมันก็เกียมหม้อเกียมไหพามาที่คนใช้ลูกสาวพญา แล้วมันก็ฮ้อง
“น้องๆ แจ้งแล้ว ไปแอ่วหนองดอกบัว”
ลูกสาวพญาลุกมาก็กินน้ำที่ตีนคันได ไปแผวที่หนองดอกบัวแล้วก็ไปแจ้งที่ปู้น เสียแจ้งแล้วบ่ใช่แฟนตัวสักกำ เป็นจ้อกละคนใช้ ผลสุดท้ายมาก็
“จ๊อกละ ถ้าฮาปากฮ่อคิงสามเตื้อ ฮาจะยอมเป็นเมียคิง” จ๊อกละมันก็ม้ำมึกในใจมัน ขวายมาๆ ก็ตั้งหม้อดังไฟหื้อลูกสาวพญากำ มันก็บ่เอาก้อนเส้าใส่ง่ายๆ ลูกสาวพญาร้อนก็ว่า
“จ๊อกละ เอาก้อนเส้าใส่ ฮาฮ้อนมือ”
แถมกำถอดเตี่ยวหม้อนึ่งไว้
“ไอ่จ๊อกละ เอาเตี่ยวหม้อนึ่งมา ข้าวจะแจ๊ะ”
กำเดียวก็เปี๋ยวมาหม้อข้าวไปควบหัวแหมแล้ว คนข้าวแล้วข้าวจะไหม้ละ
“จ๊อกละ เอาฝามันมาแล่ ข้าวจะไหม้ มันจะบ่สุก”
สามกำ เทอะ กำนี้จ๊อกละยิ้มได้ ก็กินข้าวกินหยังแล้วก็พากันไปแอ่วที่หนอง ที่นางนกจะมาเล่นน้ำที่ดอกบัว จ๊อกละไปคอยนางนกมาเล่นน้ำหนองหั้น มันก็มอบๆ ไปติ๊เอานางนกไว้ตัวหนึ่ง เจ้าหมู่นางนกมาขอ มันก็บอกหื้อเอาดอกบัวมาไถ่เอา ได้ดอกบัวมาก็มาไถ่เอา มันได้ดอกบัวแล้วก็เข้าไปในป่า ปะใส่พระฤาษีก็เอาดอกบัวนั้นไปถวาย พระฤาษีก็เอาพิณดีดหื้อ ไปปะฤาษีแหมตนหนึ่ง เอาดอกบัวไปถวายหื้อแหม พระฤาษีก็เอาถงวิเศษหื้อ ไปปะแหมคนหนึ่ง เอาดอกบัวไปถวาย ฤาษีนั้นก็เอาเชือกหื้อ ไปปะแหมองค์ก้เอาค้อนหื้อ แล้วมันก็ปิ๊กมาบ้าน
ส่วนพญานั้นก็มากึ้ดเติงหาลูกสาวแท้เนอ ว่าจ๊อกละ เอาลูกสาวไป ก็ใช้เสนาไปถาม เขามากมันก็ดีดพิณหื้อฟัง ใช้คนใดไปก็หายแว้ดๆ พญาโขด ป่าวเสนาเกียมปืนเกียมอาวุธไปรบ จะไปฆ่าไอ่จ๊อกละ เผื่อเมื่อคืนจ๊อกละก็ขับถงไว้ ถงวิเศษนั้นไปยึดอาวุธของพญาเจ้าเมืองไปกองไว้บ้านมันหมด วันพูกมารบมันก็ปล่อยเชือกเข้ามัด ปล่อยค้อนเข้าบุบ พ่อพญาก็ยอมก๊าน มอบลูกสาวหื้อเหีย ฝ่ายลูกจายมันแต่งงานแล้วขึ้นถนนล่องถนนเหน็บดอกบัว เอียงกันไปเอียงกันมา เขาขอยมัน จ๊อกละนี่ใคร่หัวฮะๆ ได้เมียงาม