เมินมาแล้ว พวกนกทั้งหลายบ่ว่านกหน้อย นกใหญ่ฮ้องกันมาประชุมว่าเฮาทั้งหลายหมู่นกจะเลือกนกตัวใดตัวหนึ่งเป็นหัวหน้า เป็นใหญ่แก่นกทั้งหลาย แล้วจะพากันเชื่อฟังหัวหน้าคือนายหมู่ทุกตัว หมู่นกทั้งหลายก็ตกลงกันก็เลือกได้นกเค้าแมวเป็นหัวหน้า
อยู่มาได้หลายปีหลายเดือน นายหมู่ก็ทำอุบายออกแถลงการณ์ว่าจักมีการบวช ว่าจะเอานกตุ่งตุง ตัวสูงๆ หัวล้านมาบวช นายหมู่บอกหื้อนกทั้งหลายไปแอ่วบอกบุญการบวช นกหน้อยทั้งหลายได้รับแล้วก็เก็บสตางค์กันมาไฮ่มาฮอมกัน จะไปก็ไปบ่ได้ มันอยู่ป่า
หิมพานต์ปุ๊น เลยฮอมกันไปเหีย ถึงเวลาเลยบ่ได้บวชสักกำเพราะนกทั้งหลายเชื่อนกเค้า
นกเค้าเอาไปเรียบร้อยหมด เอาไปใส่กระเป๋าตัวเอง
หมู่นกหน้อย จั๊กจั่น เขาฮู้อย่างอั้นนกเค้าก็ไปหากินเมื่อวันบ่ได้ เพราะนกทั้งหลายไปทวงหนี้สนั่น หากินเมื่อคืน จั๊กจั่นก็มา เย้ ๆ นกเค้าอยู่บ่ได้ มันอาย บินไปทางอื่น เดือดขึ้นว่า “บ่ากอกๆ “
บินไปบินมา ฟานป่าได้งินหวังว่าบ่ากอกหล่นตกดินก็พากันล่นมาผ่อบ่ากอกเลยเอาตีนไปย่ำใส่อี่ฮวก ๆ เลยตายไป หมู่นกทั้งหลายเลยประชุมกันว่าเป็นต้าไผ ผิดแต่คนใด
นกบางตัวก็ว่าเป็นแต่จั๊กจั่น กำนั้นเอาไส้จั๊กจั่นออกมาหมด เอาไปใส่ท้องอี่ฮวกเหีย
จั๊กจั่นทั้งหลายเลยบ่มีไส้เต๊าวันนี้แล่