ที่กระต่ายบ่กินน้ำเพราะกระต่ายได้ไปสัญญากับหอยว่าจะวิ่งแข่งกับหอย กระต่ายนี้ก็เปิ้นวิ่งเร็ว แล้วไปหันหอยเดินช้า แล้วไปสัญญาว่า ถ้ากระต่ายชนะหอยจะยั้งกินน้ำตามลำห้วย ถ้าหอยชนะกระต่ายจะย้างกินน้ำตามลำห้วย หอยนั้นก็สัญญากับกระต่าย แล้วก็ต้องฮ้อง วิ่งไปต้องฮ้อง สหายก็เหยๆ หอยก็มีความสามัคคี หอยนี้ก็ไปนัดเพื่อน อันนี้มันมีสิบลำห้วย ทีนี้ก็บอกต่อๆ กันไปว่า ถ้ากระต่ายมาฮ้องสหายเหย ก็หื้อเหย เหยไปตังหน้าปุ้นติ๊กๆ
ทีนี้ก็มาตั้งต้นกันที่ปลายลำธาร กระต่ายก็เอาวิ่งไปแล้ว วิ่งไป ๆ ก็ฮ้อง “สหายหอย” “เหย” หอยเอิ้นอยู่ตังหน้าปุ้น
ทีนี้กระต่ายก็วิ่งไปแถม ไปๆ ก็อิด ฮ้องแถม
“สหายหอย”
“เหย”
ผลที่สุดกระต่ายก็หมดแฮง ยอมก๊าน กระต่ายเลยบ่กินน้ำ