น้ำพริกคิงน้ำพริกฮา

          ขมุกับคนเมืองไปเยียะการโตยกั๋นบนดอย ต่างก็ห่อข้าวไปโตย พอถึงพักเที่ยงจะพักกินข้าว ขมุก็เอาห่อข้าวมาแกะ มีน้ำพริกอยู่สองอย่าง ขมุก็บอกคนเมืองว่า

          “อันนี้น้ำพริกคิง อันนี้น้ำพริกฮา” (อันนี้น้ำพริกขิง อันนี้น้ำพริกฮ้า)

          ขมุมันอู้บ่ชัด คนเมืองก็เข้าใจผิด

          “น้ำพริกคิง น้ำพริกฮาอะหยังบ่อ กินตวยกันเนียะ”

          ขมุก็ว่า “บ่ใช่นา อันนี้น้ำพริกคิง อันนี้น้ำพริกฮา

          “โหะ ไอ่นี่ อู้จะใดบ่ะ บ่ถ้าคิงๆ ฮาๆ ละ กินตวยกันเนี้ยะ”

          “บ่ใช่นา”

          คนเมืองอดบ่ได้ เอาเท้าเตะห่อน้ำพริกกระจัดกระจาย ขมุเห็นก็เข้ามาตีคนเมือง คนเมืองก็เลยปล้ำกันกับขมุ จนเหนื่อย ขมุก็ว่า

          ฮาบ่น่าอู้เลย เจ็บง่าว กรรมของฮาแท้ๆ บ่ะ”