บ่าศรีมีงัวล้อ จะลากขี้งัวไปหื้อเจ๊กที่เยียะสวนผัก พอตกลงราคาเสร็จ บ่าศรีก็ขนขี้งัวดิบใส่งัวล้อไปหื้อเจ๊กเต็มลำ พอเอาไปเท เจ๊กมาผ่อก็อู้ว่า
“ลื้ออย่าลืมนะเอาเห้งๆมานะ”
“ครับ”
บ่าศรีเมือบ้าน ก็ฟั่งตักขี้งัวดิบใส่แหม พอเอาไปเท เจ๊กมาหันก็ต่อว่า
“อั๊วะบอกลื้อแล้ว เห้งๆ เอามา เห้งๆ เอามา”
บ่าศรีก็เถียงว่า “ก็ฟั่งเอามาหื้อนี่ละลอ”
“เป็นว่าบ่าศรีเข้าใจผิดเพราะเจ๊กอู้บ่ชัด เจ๊กหมายถึงขี้งัวแห้งๆ บ่าศรีเข้าใจว่า หื้อเห้งๆ คือรีบๆ เอามาหื้อ มันก็ฟั่งขนมาหื้อ