เรื่องตุ๊เจ้ามาแอ่วหาแม่ออกเมื่อวัน แล้วก็มีใจฮ่อแม่ออก แม่ออกก็ลื่นลวนเหีย อันใดมีไหนก็เอาหื้อตุ๊เจ้า กำเดียวผัวมันมาปุ๊นแล้วละ ขี้เหล้าเหียผัวมัน
“ฮู้ วันนี้กินเหล้าเสี้ยงหลายขวด เป็นหนีเปิ้นเหมือนหอยจับไม้นั่น”
“โฮ้ พี่ตุ๊ๆ เปิ้นมาปุ๊ย เข้าไปในเหียเวยๆ ในนี้นา” อันนี้เข้าไปในหีบ เปิ้นแป๋งหีบไว้ละโล่ เขาลวงกัน พี่ตุ๊กเลยเข้าในหีบ ปิดประแจ ตุ๊เจ้ามีในหั้น ผัวมันก็ขึ้นมา “ฮื้อ วันนี้เป็นหนี้เปิ้นเหมือนหอยจับไม้ สูกินข้าวกับสัง” เข้าไปผ่อขันโตก บ่มีสังเนาะ
“บ่มีสังกินก็จะเอาหีบไปขายหื้อตุ๊หลวง” ตุ๊หลวงก็อยู่ในหั้นละโล่
“หีบนี้ค่าสามร้อย กันบ่ได้สามร้อยจะเอาไฟเผาเหีย” ตุ๊เจ้ากลัวแหล่ในหีบนั้น กำเดียวก็
“พระปัญญามาดูเพ้ก่อน” พระปัญญาก็มาแหละ
“ฮู้ พี่ตุ๊ไปทางใดฮุ”
“โอ บ่ยาก เอาเอาหีบนี้ไว้ เอาจะเมือบ้านก่อน เฝ้าดีๆ เน่อ อยู่ใกล้ๆ นี่ แหมะอยู่นี่” ตุ๊เจ้ามันร้อน หายใจฝืด กำเดียวก็ฮ้อง
“ปัญญา ปัญญา ฮามีในนี้บ่ะ” จะเยียะจะใด มันมาแถมกำต่อมันร้อยห้าสิบ ก็มันบ่เอา ก็ขอเอาสามร้อยก็ช่างมันนะกะ มาแล้วก็
“ปัญญา เท่าใดฮู้ก่อ ค่ามัน”
“เปิ้นก็ว่าร้อยห้าสิบ บ่ได้สามร้อย เปิ้นจะเอาเผาไฟ เปิ้นว่าจะนั้นนะ”
“ปัญญา สามร้อยก็สามร้อยนะ สตางค์มีบนหัวหั้น”
ปัญญาก็เอาสตางค์หื้อสามร้อย เปิดแนบ อันนี้จะบอกแม่สำราญ แม่ออกนะ กันว่าแม่ออกไปส่งข่าว ใคร่สำราญแม่ออกเต๊อะเน้อ เท่าอี้นะ