ลัวะลุกจากขุนแจมจะมาทานธาตุวัดหลวงช่างเคิ่ง เมียน้อยกับเมียหลวงก็ล่องเฮือมาคำลำ เมียหลวงล่องมาก่อน ล่องตวยร่องน้ำ เมียน้อยก็จะเอาเหลือเมียหลวง ก็เอาหามเฮือข้ามกิ่ว มาตกหั้น เมียหลวงบ่ทันผดโค้งหั้นเตื่อ เมียน้อยผดแล้ว ขี่เฮือมา มาแผวหาดเฮือหักแล้ว เมียน้อยเมียหลวงก็เดินทางด้วยตีน เมียหลวงก็เตียวโตยฮ่องน้ำมา เมียน้อยพาพลโยธาล่องมาทางบก มาแผวกิ่วหลบหมอยก็มาหลบฮอยหั้นนะ